Reforma Lejizlativa envolve Ministériu sira ba Ezame estadu lejizlasaun nian

Sab, 12/03/2016 - 05:42

Rezolusaun Governu nian ida iha loron 31 fulan-outubru tinan 2016 determina katak “reforma lejizlativa iha karakter ida transversál no ezije envolvimentu no análize lejizlativa setór idak-idak ne’ebé hetan tutela husi Minstériu sira”. Nune’e Komisaun ba Reforma Lejizlativa no Setór Justisa nian (KRL) hala’o ona sesaun traballu introdutóriu sira ba Metodolojia Análize Lejizlativa, ne’ebé mak elementu sira kontatu nian (pontu fokál sira”)  hili husi Ministru sira.

Iha ninia konjuntu, estudu baze husi ordenamentu jurídiku timorense nian hotu sei konta, iha setór ida-idak, ho kontribuisaun husi ekipa téknika sira ne’ebé koordena husi pontu fokál sira, tuir metodolojia no programa sira ne’ebé iha akordu ho KRL. Ida ne’e sei hala’o liuhusi  kestionáriu ida ne’ebé sei fó dalan hodi halo análize detalladu no kle’an ida lejizlasaun nian husi setór, hodi serve hanesan baze ba reforma lejizlativa.

Hili ona interlokutór sira husi Prezidénsia Konsellu Ministrus, Ministériu Edukasaun, Ministériu Interiór, Minitériu Obras  Públikas, Transporte no Komunikasoins, Ministériu Finansas, Ministériu Saúde, Ministériu Komérsiu, Indústria no Ambiente, Ministériu Turizmu, Arte no Kultura no Ministériu Petróleu no Rekursu Naturál sira.

Iha loron 19 fulan-dezembru, sei iha sesaun traballu konjuntu nian ida ne’ebé sei avansa iha análize Kalendáriu no Kestináriu Ezame husi Estadu Lejizlasaun nian ne’ebé kle’an, ne’ebé mak nia rezultadu tenke disponivel ba utilizasaun KRL nian hahú iha fulan-marsu tinan 2017.

Fonte: Portal do Governo