KRL hahú faze dahuluk ba diagnóstiku kona-ba sistema sira ba justisa

Ter, 12/06/2016 - 05:52

Faze dahuluk ba Diagnóstiku kona-ba Sistema sira ba Justisa hahú ona iha semana ida ne’e nia laran wainhira grupu sira rua ho investigadór sira husi Sentru Estudu Sosiál sira husi Universidade Coimbra (SES) to’o ona iha Timor-Leste.

Ekipa sira ho investigadór sira, hamutuk ho membru sira husi Komisaun ba Reforma Lejislativa no ba Setór Justisa (KRL) no majistradu, ofisiál no funsionáriu sira husi instituisaun sira justisa nian, hanesan mós autoridade lokál no tradisionál, organizasaun sira sosiedade sivíl no seluk tan, hala’o hela diagnóstiku ba sistema justisa formál, justisa tradisionál no meiu sira seluk tan ba rezolusaun disputa sira.

Diagnóstiku ida ne’e iha mós kolaborasaun husi Programa Monitorizasaun ba Sistema Justisa Timor-Leste (JSMP) no ONG Belun, ne’ebé fahe sira nia esperiénsia no koñesimentu ne’ebé sira iha ona wainhira hala’o sira nia atividade, liu-liu kona-ba sistema sira ba justisa iha Timor-Leste.